Notices

Notices

Notices & Press Releases

Official circulars, press statements, and public announcements issued by Krantishikha.

Call for Councilors
2026-09-29

Call for Councilors

रसुवा र यसको आसपासका क्षेत्रमा हालै गएको विनाशकारी बाढीपछि, आपतकालीन उद्दार ,भौतिक राहत जत्तिकै मानसिक स्वास्थ्य र मनोवैज्ञानिक आघातको सम्बोधन गर्नु अत्यन्त जरुरी छ। तत्काल उद्धार र शारीरिक उपचारपछि पनि, प्रभावितहरूले गहिरो डर, त्रास, चिन्ता, निद्रा नलाग्ने समस्या र भावनात्मक पीडाको सामना गरिरहेका छन्। हामी प्रभावित व्यक्ति र परिवारहरूलाई निःशुल्क टेलि-काउन्सिलिङ (फोन मार्फत परामर्श) र भावनात्मक सहयोग प्रदान गर्न योग्य मानसिक स्वास्थ्य पेशेवरहरू र मनोसामाजिक परामर्शदाताहरूको एउटा टोली निर्माण गर्दैछौं। यदि तपाईं तालिम प्राप्त मनोपरामर्शदाता, मनोवैज्ञानिक वा मानसिक स्वास्थ्यकर्मी हुनुहुन्छ र आफ्नो समय, सीप र साथ दिन इच्छुक हुनुहुन्छ भने, कृपया यो फारम भर्नुहोस्। सँगै मिलेर हामी प्रभावितहरूलाई उनीहरूको मनको घाउमा मलम लगाउन र जीवनलाई पुनः सम्हाल्न मद्दत गर्न सक्छौं। मनको कुरा सुन्न हामी छौँ। https://forms.gle/MWVvbjwTQc9MgTED9

View Notice
Rastriya Swatantra Party's National Convention
2026-06-21

Rastriya Swatantra Party's National Convention

लोकतन्त्रको नाम दिएर विगतमा भइरहेका शासकीय गल्तीहरुका शिकार बनेका नागरिकहरुलाई सामूहिक आवाज दिन खोज्दा हामी रास्वपा भयौं, चार वर्षअघि । पार्टी कसरी खोल्नुपर्छ, कसरी चलाउनुपर्छ भन्ने कुनै अनुभव थिएन । केवल बेथितिविरुद्ध प्रश्न उठाउने साहस थियो । अनि थियो, देश बदल्ने सपना । नागरिकको जीवनमा थोरै भए पनि खुसी र आशाको उपहार दिने संकल्प । ०७९ असारमा यही साहस गर्नुभएको थियो आदरणीय नेता रवि लामिछानेले । हामीले सुरुबाटै साथ दिएको हो उहाँ लगायत नेताहरुको सामूहिक संकल्पमा । राजनीतिमा लोकसेवा पास गरेका व्यक्तिहरु थिएनन् साथमा । केवल हुटहुटी र उर्जा भएका युवाहरु थिए । तर प्रश्न उठाउने र प्रतिरोध गर्ने चेतना थियो । कति छिटै चार वर्ष बितेछन् । एउटा पार्टीका लागि चार वर्ष थोरै समय हो, हामी व्यक्तिका लागि चाहिँ थुप्रै हो । रास्वपामा लागेर हामी कोही सांसद भयौं, कोही मन्त्री, कोही प्रदेश, जिल्ला, पालिका, प्रवास सबैतिर केही र कोही बनिसक्यौं : यो छोटो अवधिमा नै । फर्केर म आज हेर्छु : यी सबै पदहरुभन्दा बढ्ता प्यारो छ : यो गौरवमय पार्टी रास्वपाको सदस्य हुनु । आदरणीय अग्रज र साथीहरु : आज हाम्रो ऐतिहासिक पहिलो महाधिवेशन । हाम्रा लागि पार्टी सदस्य र नेपालको सबैभन्दा सुझबुझ र जिम्मेवारी भएको नागरिक हुँ भनी सगर्व कर्तव्यबोध गर्ने दिन । फेरि नयाँ संकल्प उठाउने दिन । यो पार्टी माथि उठ्दा हामी जोकोही एकसाथ माथि उठ्ने छौं । यो पार्टीलाई कतैबाट पनि कमजोर बनाउने कोसिस भयो भने हामी सबैजना कमजोर हुनेछौं, चाहे हाम्रो पद जतिसुकै उपल्लो दर्जाको किन नहोस् । हामीभन्दा माथि पार्टी । समुन्नत, विकसित र गौरवमय देशका लागि सक्षम पार्टी नेतृत्व । आदरणीय महाधिवेशन प्रतिनिधि तथा सदस्यज्यूहरु, हामी त्यस्तो देश बनाउने नेतृत्व चुन्न सकुँ । जनताले त हामीलाई छानिसक्नुभयो । अब योग्यता देखाउने पालो हाम्रो । प्रश्न धेरै उठायौं, अब सामूहिक जवाफ खोज्ने पालो हाम्रो । चौथो वार्षिकोत्सवको लागि धेरै धेरै शुभकामना । महाधिवेशनमा आउनुभएका सबैलाई चितवनमा न्यानो स्वागत । सबैलाई शुभकामना । नारायणी किनरको सुन्दर शहर भरतपुरमा भेटौंला ।

View Notice